 |
| Usko juda hue bhi zamana bahut hua – Ahmad Faraz |
Usko juda hue bhi zamana bahut hua – Ahmad Faraz
اس کو جدا ہوئے بھی زمانہ بہت ہوا
اب کیا کہیں یہ قصہ پرانا بہت ہوا
ڈھلتی نہ تھی کسی بھی جتن سے شب فراق
اے مرگ ناگہاں ترا آنا بہت ہوا
ہم خلد سے نکل تو گئے ہیں پر اے خدا
اتنے سے واقعے کا فسانہ بہت ہوا
اب ہم ہیں اور سارے زمانے کی دشمنی
اس سے ذرا سا ربط بڑھانا بہت ہوا
اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
اب تک تو دل کا دل سے تعارف نہ ہو سکا
مانا کہ اس سے ملنا ملانا بہت ہوا
کیا کیا نہ ہم خراب ہوئے ہیں مگر یہ دل
اے یاد یار تیرا ٹھکانہ بہت ہوا
کہتا تھا ناصحوں سے مرے منہ نہ آئیو
پھر کیا تھا ایک ہو کا بہانہ بہت ہوا
لو پھر ترے لبوں پہ اسی بے وفا کا ذکر
احمد فرازؔ تجھ سے کہا نہ بہت ہوا
us ko juda hue bhi zamana bahut hua
ab kya kahen ye qissa purana bahut hua
Dhalti na thi kisi bhi jatan se shab-e-firaq
ai marg-e-na-gahan tera aana bahut hua
hum KHuld se nikal to gae hain par ai KHuda
itne se waqiye ka fasana bahut hua
ab hum hain aur sare zamane ki dushmani
us se zara sa rabt baDhana bahut hua
ab kyun na zindagi pe mohabbat ko war den
is aashiqi mein jaan se jaana bahut hua
ab tak to dil ka dil se taaruf na ho saka
mana ki us se milna milana bahut hua
kya kya na hum KHarab hue hain magar ye dil
ai yaad-e-yar tera Thikana bahut hua
kahta tha nasehon se mere munh na aaiyo
phir kya tha ek hu ka bahana bahut hua
lo phir tere labon pe usi bewafa ka zikr
ahmad-‘faraaz’ tujh se kaha na bahut hua
Poet: Ahmed Faraz
