 |
| Ahmad Faraz Ghazal |
Aankh se dur na ho dil se utar jaega – Ahmad Faraz Ghazal
آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
اتنا مانوس نہ ہو خلوت غم سے اپنی
تو کبھی خود کو بھی دیکھے گا تو ڈر جائے گا
ڈوبتے ڈوبتے کشتی کو اچھالا دے دوں
میں نہیں کوئی تو ساحل پہ اتر جائے گا
زندگی تیری عطا ہے تو یہ جانے والا
تیری بخشش تری دہلیز پہ دھر جائے گا
ضبط لازم ہے مگر دکھ ہے قیامت کا فرازؔ
ظالم اب کے بھی نہ روئے گا تو مر جائے گا
aankh se dur na ho dil se utar jaega
waqt ka kya hai guzarta hai guzar jaega
itna manus na ho khalwat-e-gham se apni
tu kabhi KHud ko bhi dekhega to Dar jaega
Dubte dubte kashti ko uchhaala de dun
main nahin koi to sahil pe utar jaega
zindagi teri ata hai to ye jaane wala
teri bakhshish Teri dahliz pe dhar jaega
zabt lazim hai magar dukh hai qayamat ka ‘faraaz’
zalim ab ke bhi na roega to mar jaega
Poet: Ahmad Faraz
