 |
| Ahmad Faraz Poetry |
Aashiqi mein mir jaise Khhwab mat dekha karo – Ahmad Faraz
عاشقی میں میرؔ جیسے خواب مت دیکھا کرو
باؤلے ہو جاؤ گے مہتاب مت دیکھا کرو
جستہ جستہ پڑھ لیا کرنا مضامین وفا
پر کتاب عشق کا ہر باب مت دیکھا کرو
اس تماشے میں الٹ جاتی ہیں اکثر کشتیاں
ڈوبنے والوں کو زیر آب مت دیکھا کرو
مے کدے میں کیا تکلف مے کشی میں کیا حجاب
بزم ساقی میں ادب آداب مت دیکھا کرو
ہم سے درویشوں کے گھر آؤ تو یاروں کی طرح
ہر جگہ خس خانہ و برفاب مت دیکھا کرو
مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو
تشنگی میں لب بھگو لینا بھی کافی ہے فرازؔ
جام میں صہبا ہے یا زہراب مت دیکھا کرو
aashiqi mein ‘mir’ jaise khwab mat dekha karo
bawle ho jaoge mahtab mat dekha karo
jasta jasta parh liya karna mazamin-e-wafa
par kitab-e-ishq ka har bab mat dekha karo
is tamashe mein ulaT jati hain aksar kashtiyan
Dubne walon ko zer-e-ab mat dekha karo
mai-kade mein kya takalluf mai-kashi mein kya hijab
bazm-e-saqi mein adab aadab mat dekha karo
hum se durweshon ke ghar aao to yaron ki tarah
har jagah Khas-Khana o barfab mat dekha karo
mange-tange ki qabaen der tak rahti nahin
yar logon ke laqab-alqab mat dekha karo
tishnagi mein lab bhigo lena bhi kafi hai ‘faraaz’
jam mein sahba hai ya zahrab mat dekha karo
Poet: Ahmad Faraz
