Abhi kuchh aur karishme ghazal ke dekhte hain – Ahmad Faraz

 

Abhi kuchh aur karishme ghazal ke dekhte hain – Ahmad Faraz

Abhi kuchh aur karishme ghazal ke dekhte hain – Ahmad Faraz

ابھی کچھ اور کرشمے غزل کے دیکھتے ہیں

فرازؔ اب ذرا لہجہ بدل کے دیکھتے ہیں

 

جدائیاں تو مقدر ہیں پھر بھی جان سفر

کچھ اور دور ذرا ساتھ چل کے دیکھتے ہیں

 

رہ وفا میں حریف خرام کوئی تو ہو

سو اپنے آپ سے آگے نکل کے دیکھتے ہیں

 

تو سامنے ہے تو پھر کیوں یقیں نہیں آتا

یہ بار بار جو آنکھوں کو مل کے دیکھتے ہیں

 

یہ کون لوگ ہیں موجود تیری محفل میں

جو لالچوں سے تجھے مجھ کو جل کے دیکھتے ہیں

 

یہ قرب کیا ہے کہ یک جاں ہوئے نہ دور رہے

ہزار ایک ہی قالب میں ڈھل کے دیکھتے ہیں

 

نہ تجھ کو مات ہوئی ہے نہ مجھ کو مات ہوئی

سو اب کے دونوں ہی چالیں بدل کے دیکھتے ہیں

 

یہ کون ہے سر ساحل کہ ڈوبنے والے

سمندروں کی تہوں سے اچھل کے دیکھتے ہیں

 

ابھی تلک تو نہ کندن ہوئے نہ راکھ ہوئے

ہم اپنی آگ میں ہر روز جل کے دیکھتے ہیں

 

بہت دنوں سے نہیں ہے کچھ اس کی خیر خبر

چلو فرازؔ کوئے یار چل کے دیکھتے ہیں

---

abhi kuchh aur karishme ghazal ke dekhte hain

‘faraaz’ ab zara lahja badal ke dekhte hain

 

judaiyan to muqaddar hain phir bhi jaan-e-safar

kuchh aur dur zara sath chal ke dekhte hain

 

rah-e-wafa mein harif-e-KHiram koi to ho

so apne aap se aage nikal ke dekhte hain

 

tu samne hai to phir kyun yaqin nahin aata

ye bar bar jo aankhon ko mal ke dekhte hain

 

ye kaun log hain maujud teri mahfil mein

jo lalachon se tujhe mujh ko jal ke dekhte hain

 

ye qurb kya hai ki yak-jaan hue na dur rahe

hazar ek hi qalib mein Dhal ke dekhte hain

 

na tujh ko mat hui hai na mujh ko mat hui

so ab ke donon hi chaalen badal ke dekhte hain

 

ye kaun hai sar-e-sahil ki Dubne wale

samundaron ki tahon se uchhal ke dekhte hain

 

abhi talak to na kundan hue na rakh hue

hum apni aag mein har roz jal ke dekhte hain

 

bahut dinon se nahin hai kuchh us ki KHair KHabar

chalo ‘faraaz’ ko ai yar chal ke dekhte hain

Poet: Ahmad Faraz