Himalia- Bang -e- dara Allama Iqbal
ہمالہ
!اے ہمالہ! اے فصيلِ کشورِ ہندوستاں
چومتا ہے تيری پيشانی کو جھک کر آسماں
تجھ ميں کچھ پيدا نہيں ديرينہ روزی کے نشاں
تُو جواں ہے گردشِ شام و سحر کے درمياں
ايک جلوہ تھا کليمِ ُطورِ سينا کے ليے
تُو تجلی ہے سراپا چشمِ بينا کے ليے
امتحانِ ديدۂ ظاہر ميں کوہستاں ہے تُو
پاسباں اپنا ہے تُو ، ديوارِ ہندُستاں ہے تُو
مطلعِ اوّل فلک جس کا ہو وہ ديواں ہے تُو
سوئے خلوت گاہِ دل دامن کشِ انساں ہے تُو
برف نے باندھی ہے دستارِ فضيلت تيرے سر
خندہ زن ہے جو کلاہِ مہرِ عالم تاب پر
تيری عمرِ رفتہ کی اک آن ہے عہدِ کُہن
واديوں ميں ہيں تری کالی گھٹائيں خيمہ زن
چوٹياں تيری ثريّا سے ہيں سرگرمِ سخن
تو زميں پر اور پہنائے فلک تيرا وطن
چشمۂ دامن ترا آئینۂ سیّال ہے
دامنِ موجِ ہوا جس کے ليے رومال ہے
ابر کے ہاتھوں ميں رہوار ہوا کے واسطے
تازيانہ دے ديا برقِ سرِ کوہسار نے
اے ہمالہ کوئی بازی گاہ ہے تُو بھی ، جسے
دستِ قدرت نے بناياہے عناصِر کے ليے
ہائے کيا فرط ِ طرب ميں جھومتا جاتا ہے ابر
فيلِ بے زنجير کی صورت اڑا جاتا ہے ابر
جُنبشِ موجِ نسيمِ صبح گہوارہ بنی
جھومتی ہے نشّۂ ہستی ميں ہر گل کی کلی
يوں زبانِ برگ سے گويا ہے اُس کی خامشی
دستِ گل چيں کی جھٹک ميں نے نہيں ديکھی کبھی
کہہ رہی ہے ميری خاموشی ہی افسانہ مرا
کُنجِ خلوت خانۂ قدرت ہے کاشانہ مرا
آتی ہے ندّی فرازِ کوہ سے گاتی ہوئی
کوثر و تسنيم کی موجوں کو شرماتی ہوئی
آئنہ سا شاہدِ قدرت کو دکھلاتی ہوئی
سنگِ رہ سے گاہ بچتی ، گاہ ٹکراتی ہوئی
چھيڑتی جا اس عراقِ دل نشيں کے ساز کو
اے مسافر! دل سمجھتا ہے تری آواز کو
ليلیِ شب کھولتی ہے آ کے جب زلفِ رسا
دامنِ دل کھينچتی ہے آبشاروں کی صدا
وہ خموشی شام کی جس پر تکلّم ہو فِدا
وہ درختوں پر تفکّر کا سماں چھايا ہوا
کانپتا پھرتا ہے کيا رنگِ شفق کُہسار پر
خوشنما لگتا ہے يہ غازہ تِرے رخسار پر
اے ہمالہ! داستاں اُس وقت کی کوئی ُسنا
مسکنِ آبائے انساں جب بنا دامن ترا
کچھ بتا اُس سيدھی سادی زندگی کا ماجرا
داغ جس پر غازۂ رنگِ تکلّف کا نہ تھا
ہاں دکھا دے اے تصّور! پھر وہ صبح و شام تُو
دوڑ پيچھے کی طرف اے گردشِ ايّام تُو
-----------------------------------------------------
TRANSLITERATION
Himalia
ae himalia! ae faseel e kishwar e hindustan
choomta ha teri paishani ko jhuk ker aasman
tujh mein kuch paida nahin derina rozee ke nishan
tu jawan hai gardish e sham o saher ke darmiyan
aik jalwa tha kaleem e toor e sina ke liye
tu tajali hai sarapa chasm e beena ke liye
imtihan e didah zahir mein kohistan hai tu
pasban apna hai tu, dewar e hindustan hai tu
matla e awwal falak jis ka ho vo diwan hai tu
suay khilwat gah e dil daman kash e insan hai tu
barf ne bandhi hai dastar e fazilat tere sar
khanda zan hai kalah e meher e aalam taab par
teri umar e rafta ki ek aan hai ehad e kuhan
wadiyon mein hain teri kali ghataen khema zan
chotiyan teri surayya se hain sargaram e sukhan
tu zameen per aur pehna e falak tera watan
chasma e daman tera aaeena siyyal hai
daman e mouj e hawa jis ke liye rumal hai
abar ke hathon mein rahwar e hawa ke waste
taziyana de diya barq e sar e kohsar ne
Ae hamala koi bazi gah hai tu bhi, jise
dast e qudrat ne banaya hai aanasir ke liye
haye kya firat e tarab mein jhoomta jata hai abar
feel e be zanjeer ki surat ura jata hai abar
junbish e mouj e naseem e subah gehwara bani
jhoomti hai nasha e husti mein har gul ki kali
yun zuban e berg se goya hai iss ke khamshi
dast e gulcheen ki jhatak mein ne nahin dekhi kabhi
keh rahi hai meri khamoshi hi afsana mera
kunj e khalwat khana e qudrat hai kashana mera
aati hai nadi faraz e koh se gati huwi
kausar o tasneem ki moujon ko sharmati huwi
aaeena sa shahid e qudrat ko dikhlati huwi
sang e reh se gah bachti gah takrati huwi
chairti ja iss iraq e dil nasheen ke saaz ko
ae musafir dil samjhta hai teri awaz ko
laila e shab kholti hai aa ke jab zulf e rasa
daman e dil khenchti hai aabsharon ke sada
vo khamoshi sham ki jis per takalum ho fida
vo darkhton per tafakkur ka saman chaya huwa
kanpta phirta hai kya rang e shafaq kohsar per
khushnuma lagta hai ye ghazah tere rukhsar per
ae hamala! dastan uss waqt ki koi suna
maskan e aabaay insan jab bana daman tera
kuch bata uss seedhi sadi zindagi ka majra
dagh jis par ghaza rang e takalluf ka na tha
Haan dikha de ae tasawwar phir woh subah o sham tu
dorh piche ki taraf ae ghardish e ayyam tu
