Zikr-e-shab-e-firaaq se vahshat use bhii thii – Mohsin Naqvi Ghazals

ذکر شب فراق سے وحشت اسے بھی تھی
میری طرح کسی سے محبت اسے بھی تھی

مجھ کو بھی شوق تھا نئے چہروں کی دید کا
رستہ بدل کے چلنے کی عادت اسے بھی تھی

اس رات دیر تک وہ رہا محو گفتگو
مصروف میں بھی کم تھا فراغت اسے بھی تھی

مجھ سے بچھڑ کے شہر میں گھل مل گیا وہ شخص
حالانکہ شہر بھر سے عداوت اسے بھی تھی

وہ مجھ سے بڑھ کے ضبط کا عادی تھا جی گیا
ورنہ ہر ایک سانس قیامت اسے بھی تھی

سنتا تھا وہ بھی سب سے پرانی کہانیاں
شاید رفاقتوں کی ضرورت اسے بھی تھی

تنہا ہوا سفر میں تو مجھ پہ کھلا یہ بھید
سائے سے پیار دھوپ سے نفرت اسے بھی تھی

محسنؔ میں اس سے کہہ نہ سکا یوں بھی حال دل
درپیش ایک تازہ مصیبت اسے بھی تھی

---

zikr-e-shab-e-firaq se vehshat use bhi thi

meri tarah kisi se muhabat use bhi thi

 

mujh ko bhi shauq tha naye chehron ki deed ka

rasta badal ke chalane ki aadat use bhi thi

 

us raat der tak vo raha mahv-e-guftagoo

masroof main bhi kam thaa faragat use bhi thi

 

sunta tha vo bhi sab se purani kahaniyaan

taza rafaqaton ki zaroorat use bhi thi

 

mujh se bichar ke shaher main ghul mil gaya vo shaKhs

haalaa ke shahar bhar se raqabat use bhi thi

 

“KASH”na jan khud ko nakaam kay bad zouq,

woh mana nahi par tujh say mohabbat usay bhi thi,

 

vo mujh se barh ke zabt ka aadi tha ji gaya

varna har ek saans qayamat use bhi thi

Poet: Mohsin Naqvi