Aflak se aata hai nalon ka jawab aakhir – Allama Muhammad Iqbal

افلاک سے آتا ہے نالوں کا جواب آخر

کرتے ہیں خطاب آخر اٹھتے ہیں حجاب آخر

 

احوال محبت میں کچھ فرق نہیں ایسا

سوز و تب و تاب اول سوز و تب و تاب آخر

 

میں تجھ کو بتاتا ہوں تقدیر امم کیا ہے

شمشیر و سناں اول طاؤس و رباب آخر

 

مے خانۂ یورپ کے دستور نرالے ہیں

لاتے ہیں سرور اول دیتے ہیں شراب آخر

 

کیا دبدبۂ نادر کیا شوکت تیموری

ہو جاتے ہیں سب دفتر غرق مے ناب آخر

 

خلوت کی گھڑی گزری جلوت کی گھڑی آئی

چھٹنے کو ہے بجلی سے آغوش سحاب آخر

 

تھا ضبط بہت مشکل اس سیل معانی کا

کہہ ڈالے قلندر نے اسرار کتاب آخر

---

Aflak se aata hai nalon ka jawab aakhir

karte hain khitab aakhir uThte hain hijab aaKHir

 

ahwal-e-mohabbat mein kuchh farq nahin aisa

soz o tab-o-tab awwal soz o tab-o-tab aakhir

 

main tujh ko batata hun taqdir-e-umam kya hai

shamshir-o-sinan awwal taus-o-raubab aakhir

 

mai-khana-e-europe ke dastur nirale hain

late hain surur awwal dete hain sharab aakhir

 

kya dabdaba-e-nadir kya shaukat-e-taimuri

ho jate hain sab daftar gharq-e-mai-e-nab aakhir

 

Khalwat ki gharhi guzri jalwat ki gharhi aai

chhuTne ko hai bijli se aaghosh-e-sahab aakhir

 

tha zabt bahut mushkil is sail-e-maani ka

kah dale qalandar ne asrar-e-kitab aakhir

---

अफ़्लाक से आता है नालों का जवाब आख़िर

करते हैं ख़िताब आख़िर उठते हैं हिजाब आख़िर

 

अहवाल-ए-मोहब्बत में कुछ फ़र्क़ नहीं ऐसा

सोज़ ओ तब-ओ-ताब अव्वल सोज़ ओ तब-ओ-ताब आख़िर

 

मैं तुझ को बताता हूँ तक़दीर-ए-उमम क्या है

शमशीर-ओ-सिनाँ अव्वल ताऊस-ओ-रुबाब आख़िर

 

मय-ख़ाना-ए-यूरोप के दस्तूर निराले हैं

लाते हैं सुरूर अव्वल देते हैं शराब आख़िर

 

क्या दबदबा-ए-नादिर क्या शौकत-ए-तैमूरी

हो जाते हैं सब दफ़्तर ग़र्क़-ए-मय-ए-नाब आख़िर

 

ख़ल्वत की घड़ी गुज़री जल्वत की घड़ी आई

छुटने को है बिजली से आग़ोश-ए-सहाब आख़िर

 

था ज़ब्त बहुत मुश्किल इस सैल-ए-मआ’नी का

कह डाले क़लंदर ने असरार-ए-किताब आख़िर

Poet: Allama Muhammad Iqbal