Agar kaj-rau hain anjum aasman tera hai ya mera – Allama Muhammad Iqbal

اگر کج رو ہیں انجم آسماں تیرا ہے یا میرا

مجھے فکر جہاں کیوں ہو جہاں تیرا ہے یا میرا

 

اگر ہنگامہ ہائے شوق سے ہے لا مکاں خالی

خطا کس کی ہے یا رب لا مکاں تیرا ہے یا میرا

 

اسے صبح ازل انکار کی جرأت ہوئی کیوں کر

مجھے معلوم کیا وہ رازداں تیرا ہے یا میرا

 

محمد بھی ترا جبریل بھی قرآن بھی تیرا

مگر یہ حرف شیریں ترجماں تیرا ہے یا میرا

 

اسی کوکب کی تابانی سے ہے تیرا جہاں روشن

زوال آدم خاکی زیاں تیرا ہے یا میرا

---

Agar kaj-rau hain anjum aasman tera hai ya mera

mujhe fikr-e-jahan kyun ho jahan tera hai ya mera

 

agar hangama-ha-e-shauq se hai la-makan khali

Khata kis ki hai ya rab la-makan tera hai ya mera

 

use subh-e-azal inkar ki jurat hui kyunkar

mujhe malum kya wo raaz-dan tera hai ya mera

 

Mohammad bhi tera Jibril bhi Quran bhi tera

magar ye harf-e-shirin tarjuman tera hai ya mera

 

isi kaukab ki tabani se hai tera jahan raushan

zawal-e-adam-e-khaki ziyan tera hai ya mera

---

अगर कज-रौ हैं अंजुम आसमाँ तेरा है या मेरा

मुझे फ़िक्र-ए-जहाँ क्यूँ हो जहाँ तेरा है या मेरा

 

अगर हंगामा-हा-ए-शौक़ से है ला-मकाँ ख़ाली

ख़ता किस की है या रब ला-मकाँ तेरा है या मेरा

 

उसे सुब्ह-ए-अज़ल इंकार की जुरअत हुई क्यूँकर

मुझे मालूम क्या वो राज़-दाँ तेरा है या मेरा

 

मोहम्मद भी तिरा जिबरील भी क़ुरआन भी तेरा

मगर ये हर्फ़-ए-शीरीं तर्जुमाँ तेरा है या मेरा

 

इसी कौकब की ताबानी से है तेरा जहाँ रौशन

ज़वाल-ए-आदम-ए-ख़ाकी ज़ियाँ तेरा है या मेरा

Poet: Allama Muhammad Iqbal