Dil soz se Khaali hai nigah pak nahin hai – Allama Muhammad Iqbal
دل سوز سے خالی ہے نگہ پاک نہیں ہے
پھر اس میں عجب کیا کہ تو بے باک نہیں ہے
ہے ذوق تجلی بھی اسی خاک میں پنہاں
غافل تو نرا صاحب ادراک نہیں ہے
وہ آنکھ کہ ہے سرمۂ افرنگ سے روشن
پرکار و سخن ساز ہے نمناک نہیں ہے
کیا صوفی و ملا کو خبر میرے جنوں کی
ان کا سر دامن بھی ابھی چاک نہیں ہے
کب تک رہے محکومئ انجم میں مری خاک
یا میں نہیں یا گردش افلاک نہیں ہے
بجلی ہوں نظر کوہ و بیاباں پہ ہے میری
میرے لیے شایاں خس و خاشاک نہیں ہے
عالم ہے فقط مومن جانباز کی میراث
مومن نہیں جو صاحب لولاک نہیں ہے
Dil soz se khali hai nigah pak nahin hai
phir is mein ajab kya ki tu bebak nahin hai
hai zauq-e-tajalli bhi isi khak mein pinhan
ghafil tu nira sahib-e-idrak nahin hai
wo aankh ki hai surma-e-afrang se raushan
purkar o sukhan-saz hai namnak nahin hai
kya sufi o mulla ko khabar mere junun ki
un ka sar-e-daman bhi abhi chaak nahin hai
kab tak rahe mahkumi-e-anjum mein meri khak
ya main nahin ya gardish-e-aflak nahin hai
bijli hun nazar koh o bayaban pe hai meri
mere liye shayan khas-o-khashak nahin hai
aalam hai faqat momin-e-jaan-baz ki miras
momin nahin jo sahib-e-laulak nahin hai
दिल सोज़ से ख़ाली है निगह पाक नहीं है
फिर इस में अजब क्या कि तू बेबाक नहीं है
है ज़ौक़-ए-तजल्ली भी इसी ख़ाक में पिन्हाँ
ग़ाफ़िल तू निरा साहिब-ए-इदराक नहीं है
वो आँख कि है सुर्मा-ए-अफ़रंग से रौशन
पुरकार ओ सुख़न-साज़ है नमनाक नहीं है
क्या सूफ़ी ओ मुल्ला को ख़बर मेरे जुनूँ की
उन का सर-ए-दामन भी अभी चाक नहीं है
कब तक रहे महकूमी-ए-अंजुम में मिरी ख़ाक
या मैं नहीं या गर्दिश-ए-अफ़्लाक नहीं है
बिजली हूँ नज़र कोह ओ बयाबाँ पे है मेरी
मेरे लिए शायाँ ख़स-ओ-ख़ाशाक नहीं है
आलम है फ़क़त मोमिन-ए-जाँबाज़ की मीरास
मोमिन नहीं जो साहिब-ए-लौलाक नहीं है
Poet: Allama Muhammad Iqbal
