Aql go aastan se dur nahin – Allama Muhammad Iqbal
عقل گو آستاں سے دور نہیں
اس کی تقدیر میں حضور نہیں
دل بینا بھی کر خدا سے طلب
آنکھ کا نور دل کا نور نہیں
علم میں بھی سرور ہے لیکن
یہ وہ جنت ہے جس میں حور نہیں
کیا غضب ہے کہ اس زمانے میں
ایک بھی صاحب سرور نہیں
اک جنوں ہے کہ با شعور بھی ہے
اک جنوں ہے کہ با شعور نہیں
ناصبوری ہے زندگی دل کی
آہ وہ دل کہ ناصبور نہیں
بے حضوری ہے تیری موت کا راز
زندہ ہو تو تو بے حضور نہیں
ہر گہر نے صدف کو توڑ دیا
تو ہی آمادۂ ظہور نہیں
ارنی میں بھی کہہ رہا ہوں مگر
یہ حدیث کلیم و طور نہیں
Aql go aastan se dur nahin
us ki taqdir mein huzur nahin
dil-e-bina bhi kar khuda se talab
aankh ka nur dil ka nur nahin
ilm mein bhi surur hai lekin
ye wo jannat hai jis mein hur nahin
kya ghazab hai ki is zamane mein
ek bhi sahib-e-surur nahin
ek junun hai ki ba-shuur bhi hai
ek junun hai ki ba-shuur nahin
na-suburi hai zindagi dil ki
aah wo dil ki na-subur nahin
be-huzuri hai teri maut ka raaz
zinda ho tu to be-huzur nahin
har guhar ne sadaf ko tor diya
tu hi aamada-e-zuhur nahin
arini main bhi kah raha hun magar
ye hadis-e-kalim-o-tur nahin
अक़्ल गो आस्ताँ से दूर नहीं
उस की तक़दीर में हुज़ूर नहीं
दिल-ए-बीना भी कर ख़ुदा से तलब
आँख का नूर दिल का नूर नहीं
इल्म में भी सुरूर है लेकिन
ये वो जन्नत है जिस में हूर नहीं
क्या ग़ज़ब है कि इस ज़माने में
एक भी साहब-ए-सुरूर नहीं
इक जुनूँ है कि बा-शुऊर भी है
इक जुनूँ है कि बा-शुऊर नहीं
ना-सुबूरी है ज़िंदगी दिल की
आह वो दिल कि ना-सुबूर नहीं
बे-हुज़ूरी है तेरी मौत का राज़
ज़िंदा हो तू तो बे-हुज़ूर नहीं
हर गुहर ने सदफ़ को तोड़ दिया
तू ही आमादा-ए-ज़ुहूर नहीं
अरिनी मैं भी कह रहा हूँ मगर
ये हदीस-ए-कलीम-ओ-तूर नहीं
Poet: Allama Muhammad Iqbal
