Khird-mandon se kya puchhun ki meri ibtida kya hai – Allama Iqbal

خرد مندوں سے کیا پوچھوں کہ میری ابتدا کیا ہے

---

خرد مندوں سے کیا پوچھوں کہ میری ابتدا کیا ہے

کہ میں اس فکر میں رہتا ہوں میری انتہا کیا ہے

 

خودی کو کر بلند اتنا کہ ہر تقدیر سے پہلے

خدا بندے سے خود پوچھے بتا تیری رضا کیا ہے

 

مقام گفتگو کیا ہے اگر میں کیمیا گر ہوں

یہی سوز نفس ہے اور میری کیمیا کیا ہے

 

نظر آئیں مجھے تقدیر کی گہرائیاں اس میں

نہ پوچھ اے ہم نشیں مجھ سے وہ چشم سرمہ سا کیا ہے

 

اگر ہوتا وہ مجذوب فرنگی اس زمانے میں

تو اقبالؔ اس کو سمجھاتا مقام کبریا کیا ہے

 

نوائے صبح گاہی نے جگر خوں کر دیا میرا

خدایا جس خطا کی یہ سزا ہے وہ خطا کیا ہے

---

Khird-mandon se kya puchhun ki meri ibtida kya hai

ki main is fikr mein rahta hun meri intiha kya hai

 

Khudi ko kar buland itna ki har taqdir se pahle

Khuda bande se Khud puchhe bata teri raza kya hai

 

maqam-e-guftugu kya hai agar main kimiya-gar hun

yahi soz-e-nafas hai aur meri kimiya kya hai

 

nazar aain mujhe taqdir ki gahraiyan is mein

na puchh ai ham-nashin mujh se wo chashm-e-surma-sa kya hai

 

agar hota wo majzub-e-farangi is zamane mein

to ‘iqbaal’ us ko samjhata maqam-e-kibriya kya hai

 

nawa-e-subh-gahi ne jigar Khun kar diya mera

Khudaya jis Khata ki ye saza hai wo Khata kya hai

Allama Muhammad Iqbal

Khird-mandon se kya puchhun ki meri ibtida kya hai – Allama Iqbal