 |
| jab ishq sikhata hai aadab-e-khud-agahi |
jab ishq sikhata hai aadab-e-khud-agahi – Allama Iqbal Ghazal
جب عشق سکھاتا ہے آداب خود آگاہی
جب عشق سکھاتا ہے آداب خود آگاہی
کھلتے ہیں غلاموں پر اسرار شہنشاہی
عطارؔ ہو رومیؔ ہو رازیؔ ہو غزالیؔ ہو
کچھ ہاتھ نہیں آتا بے آہ سحرگاہی
نومید نہ ہو ان سے اے رہبر فرزانہ
کم کوش تو ہیں لیکن بے ذوق نہیں راہی
اے طائر لاہوتی اس رزق سے موت اچھی
جس رزق سے آتی ہو پرواز میں کوتاہی
دارا و سکندر سے وہ مرد فقیر اولیٰ
ہو جس کی فقیری میں بوئے اسد اللہٰی
آئین جواں مرداں حق گوئی و بیباکی
اللہ کے شیروں کو آتی نہیں روباہی
Jab ishq sikhata hai aadab-e-khud-agahi
Khulte hain ghulamon par asrar-e-shahanshahi
Aattar’ ho ‘rumi’ ho ‘raazi’ ho ‘ghazali’ ho
kuchh hath nahin aata be-ah-e-sahar-gahi
Na umeed na ho in se ai rahbar-e-farzana
kam-kosh to hain lekin be-zauq nahin rahi
ai tair-e-lahauti us rizq se maut achchhi
jis rizq se aati ho parwaz mein kotahi
dara o sikandar se wo mard-e-faqir aula
ho jis ki faqiri mein bu-e-asadul-lahai
aain-e-jawan-mardan haq-goi o be-baki
allah ke sheron ko aati nahin rubahi
Allama Muhammad IQbal
